More

    రోడ్డు ప్రమాదంలో ప్రముఖ సింగర్ దుర్మరణం

    ఆస్ట్రేలియాలో జరిగిన ఘోర రోడ్డు ప్రమాదంలో పంజాబీ సింగర్ నిర్వేయర్ సింగ్ దుర్మరణం పాలయ్యారు. మెల్ బోర్న్ లో బుల్లా డిగ్గర్స్ రెస్ట్ రోడ్డు వద్ద ఈ రోడ్డు ప్రమాదం సంభవించింది. అతడు ఉద్యోగం చేస్తున్న కార్యాలయానికి వెళ్తున్న సమయంలో ఈ ప్రమాదం జరిగింది. నిర్వేయర్ సింగ్ ప్రయాణిస్తున్న వాహనాన్ని మరో వాహనం ఢీకొట్టింది. ఈ ప్రమాదానికి కారణమైన 23 ఏళ్ల వ్యక్తిని పోలీసులు అదుపులోకి తీసుకున్నారు. నిర్వేయర్ సింగ్ 9 ఏళ్ల క్రితం ఆస్ట్రేలియాకు వచ్చారు. ఆయన పాడిన పలు పాటలు హిట్ అయ్యాయి.

    పంజాబీ గాయకుడు నిర్వైర్ సింగ్ మంగళవారం మెల్‌బోర్న్‌లో జరిగిన ఘోర ప్రమాదంలో మరణించాడు. అతని వార్తతో ఆస్ట్రేలియాలోని భారతీయ సమాజం తమ సంతాపాన్ని వ్యక్తం చేస్తోంది. ‘మై టర్న్’ ఆల్బమ్‌లోని తేరే బినా పాటకు మంచి పేరు వచ్చింది. మెల్‌బోర్న్ వెస్ట్ పోలీసులు తెలిపిన వివరాల ప్రకారం, డిగ్గర్ రెస్ట్ సిటీలో ఓ కారు రెండు వాహనాలను ఢీకొట్టింది. ఈ కేసులో పోలీసులు ఒక వ్యక్తి, ఒక మహిళను అరెస్టు చేశారు. వారిపై ఇంకా ఎటువంటి అభియోగాలు మోపలేదని తెలుస్తోంది. డాష్‌క్యామ్, సీసీటీవీ ఫుటేజీలకు సంబంధించిన ఏవైనా లీడ్స్ ఉంటే తమను సంప్రదించాలని అధికారులు ప్రజలను కోరారు.

    నిర్వైర్ సింగ్ పంజాబ్‌లోని కురాలీకి చెందిన గాయకుడు. అతను తొమ్మిదేళ్ల క్రితం ఆస్ట్రేలియాకు వెళ్లాడు. అతను అక్కడ టాక్సీ డ్రైవర్‌గా పనిచేశాడు. స్నేహితులతో కలిసి మ్యూజిక్ కాన్సర్ట్స్ ను నిర్వహించాడు. సంగీత పరిశ్రమలో మంచి కెరీర్‌ని సంపాదించాలని కలగన్నాడు. భార్య, ఇద్దరు పిల్లలు అతడికి ఉన్నారు. గత కొద్ది నెలలుగా చాలా మంది పంజాబీ కళాకారులు మరణించారు. తాజాగా అతని మరణం పంజాబీ సంగీత ఇండస్ట్రీ, చలనచిత్ర పరిశ్రమలో ప్రకంపనలు సృష్టించింది. పలువురు తారలు, అభిమానులు సోషల్ మీడియాలో అతడికి నివాళులు అర్పించారు.

    spot_img

    Trending Stories

    Related Stories