టీ20 ప్రపంచ కప్ సూపర్-12 మొదటి మ్యాచ్ లో ఆసీస్ ను న్యూజిలాండ్ చిత్తు చేసింది. డిఫెండింగ్ ఛాంపియన్ ఏకంగా 89 పరుగుల తేడాతో ఓటమిని అందుకుంది. ఈ మ్యాచ్ లో టాస్ నెగ్గిన ఆస్ట్రేలియా బౌలింగ్ ఎంచుకుంది. న్యూజిలాండ్ నిర్ణీత 20 ఓవర్లలో మూడు వికెట్ల నష్టానికి 200 పరుగులు చేసింది. ఓపెనర్లు ఓపెనర్ ఫిన్ అలెన్ (16 బంతుల్లో 5 ఫోర్లు, 3 సిక్సర్లతో 42), డేవాన్ కాన్వే (58 బంతుల్లో 7 ఫోర్లు, 2 సిక్సర్లతో 92 నాటౌట్) మంచి ఇన్నింగ్స్ ఆడారు. కెప్టెన్ కేన్ విలియమ్సన్ (23) పర్వాలేదనిపించాడు.. గ్లెన్ ఫిలిప్స్ (12) కే ఔటయ్యాడు. జిమ్మీ నీషమ్ (13 బంతుల్లో 3 సిక్సర్లతో 26 నాటౌట్) బాదడంతో కివీస్ స్కోరు 200 మార్కు దాటించాడు. ఆస్ట్రేలియా బౌలర్లలో జోష్ హేజిల్ వుడ్ (2/41), ఆడమ్ జంపా (1/39) బౌలింగ్ లో రాణించారు.
ఛేజింగ్ లో ఆసీస్ మొదట్లోనే చేతులు ఎత్తేసింది. ఆసీస్ బ్యాటర్లలో డేవిడ్ వార్నర్ (5), ఆరోన్ ఫించ్ (13), మిచెల్ మార్ష్ (16), మార్కస్ స్టొయినిస్ (7), టిమ్ డేవిడ్ (11), మాథ్యూ వేడ్ (2), మిచెల్ స్టార్క్ (4), ఆడమ్ జంపా (0), జోష్ హాజిల్‌వుడ్ (1 నాటౌట్) పరుగులు చేశారు. గ్లెన్ మ్యాక్స్‌వెల్ (28) టాప్ స్కోరర్ గా నిలిచాడు. ప్యాట్ కమిన్స్ (21) పర్వాలేదనిపించాడు. ఆసీస్ జట్టు 17.1 ఓవర్లలో 111 పరుగులకు ఆలౌట్ అయింది. కివీస్ బౌలర్లలో మిచెల్ శాంట్నర్, టిమ్ సౌథీ చెరో 3 వికెట్లను తీశారు.. బౌల్ట్ 2 వికెట్లు తీసుకున్నాడు. లోకీ ఫెర్గూసన్, ఐష్ సోధి చెరో వికెట్ తమ ఖాతాలో వేసుకున్నారు. టీ20 ప్రపంచకప్‌లో న్యూజిల్యాండ్‌ చేసిన అత్యంత భారీ స్కోరు ఇదే.. నెట్ రన్ రేట్ కూడా ఈ విజయంతో భారీగా న్యూజిలాండ్ అకౌంట్ లో పడింది.
