ఆస్కార్ వేడుకలు లాస్‌ ఏంజిల్స్‌లోని డాల్బీ థియేటర్‌లో ఘనంగా జరిగాయి. భారత్ కు ఈ ఏడాది రెండు ఆస్కార్ అవార్డులు రావడంతో భారతీయ ప్రేక్షకుల ఆనందానికి అవధుల్లేకుండా పోయాయి. ‘నాటు నాటు’ పాటకు అవార్డు రావడం తెలుగు వాళ్ల ఆనందాన్ని మరింత రెట్టింపు చేసింది. ఒరిజినల్‌ సాంగ్‌ కేటగిరీలో నాటు నాటును ఆస్కార్ వరించింది.
ఇక ఈ ఏడాది అవార్డులు సొంతం చేసుకున్న సినిమాలు, నటీనటులు, టెక్నీషియన్లకు సంబంధించిన వివరాలు చూస్తే.. ఉత్తమ నటుడిగా బ్రెండన్‌ ఫేజర్- ది వేల్‌..ఉత్తమ నటిగా మిచెల్‌ యో-ఎవ్రీథింగ్ ఎవ్రీవేర్ ఆల్ ఎట్ వన్స్ మూవీకి దక్కింది.
ఇక ఉత్తమ సహాయ నటుడిగా కే హ్యూ క్వాన్‌- ఎవ్రీథింగ్ ఎవ్రీవేర్ ఆల్ ఎట్ వన్స్ కు రాగా ఉత్తమ సహాయ నటిగా జామీ లీ కర్టిస్‌-ఎవ్రీథింగ్ ఎవ్రీవేర్ ఆల్ ఎట్ వన్స్ కైవసం చేసుకుంది. అటు ఉత్తమ సినిమాటోగ్రఫిగా జేమ్స్ ఫ్రెండ్-ఆల్ క్వైట్ ఆన్‌ ది వెస్టర్న్‌ ఫ్రంట్‌, ఉత్తమ ఎడిటింగ్‌ కు పాల్‌ రోజర్స్‌-ఎవ్రీథింగ్ ఎవ్రీవేర్ ఆల్ ఎట్ వన్స్‌కే దక్కింది. ఇక ఉత్తమ కాస్ట్యూమ్‌ డిజైన్‌ లో రుత్‌ కార్టర్‌- బ్లాక్‌ పాంథర్‌: వకండ ఫరెవర్‌ కు వచ్చింది. ఉత్తమ ప్రొడక్షన్‌ డిజైనర్ గా క్రిస్టియన్‌ ఎమ్‌.గోల్డ్‌బెక్‌; సెట్‌ డెకరేషన్‌: ఎర్నెస్టన్‌-ఆల్ క్వైట్ ఆన్‌ ది వెస్టర్న్‌ ఫ్రంట్‌ కు వచ్చింది.
మరో వైపు ఉత్తమ ఇంటర్‌నేషన్‌ ఫీచర్‌ ఫిల్మ్‌ గా ఆల్ క్వైట్ ఆన్‌ ది వెస్టర్న్‌ ఫ్రంట్‌-ఎడ్వర్డ్‌ బర్గర్‌ నిలువగా ఉత్తమ యానిమేటెడ్‌ ఫీచర్‌ ఫిల్మ్‌ గా గిల్లెర్మో డెల్ టోరో యొక్క పినోచియో-గిలెర్మో డెల్ టోరో, మార్క్‌ గుస్టాఫ్సన్‌ కైవసం చేసుకుంది. అటు ఉత్తమ డాక్యుమెంటరీ ఫీచర్‌ ఫిల్మ్‌ గా నవల్‌నీ- డానియల్ రోహర్‌, ఒడెస్సా రీ, డైనీ బాకర్‌, మిలనీ మిల్లర్‌, షేన్‌ బోరిస్‌, ఉత్తమ డాక్యుమెంటరీ షార్ట్‌ ఫిల్మ్‌ గా ది ఎలిఫెంట్‌ విస్పరర్స్‌-కార్తికి గోన్సాల్వ్స్‌, గునీత్‌ మోంగా దక్కించుకున్నారు.
ఉత్తమ యానిమేటెడ్‌ షార్ట్‌ ఫిల్మ్‌ గా ది బాయ్‌, ది మోల్‌, ది ఫాక్స్‌ అండ్‌ ది హర్స్‌-చార్లీ మాకెసీ అండ్‌ మాథ్యూ ఫ్రెడ్‌, ఉత్తమ లైవ్‌ యాక్షన్‌ షార్ట్‌ ఫిల్మ్‌గా యాన్‌ ఐరిష్‌ గుడ్‌బై- టామ్‌ బర్క్‌లీ, రాస్‌ వైట్‌, ఉత్తమ మేకప్‌ అండ్‌ హేయిర్‌ స్టైలిస్ట్‌గా అడ్రియన్‌ మోరోట్‌, జుడి చిన్‌, అన్నెమారీ బ్రాడ్‌లీ-ది వేల్‌, ఉత్తమ ఒరిజినల్‌ స్కోర్‌ గా వోల్కర్‌ బెర్టెల్మాన్‌-ఆల్ క్వైట్ ఆన్‌ ది వెస్టర్న్‌ ఫ్రంట్‌ కు దక్కింది.
ఇక ఉత్తమ ఒరిజినల్‌ సాంగ్‌ గా నాటు నాటు- ఎమ్‌.ఎమ్‌ కీరవాణి, చంద్రబోస్‌, ఉత్తమ సౌండ్ గా మార్క్‌ వెయింగర్టెన్‌, జేమ్స్ హెచ్‌. మాథర్‌, ఎఐ నెల్సన్, క్రిస్‌ బర్డన్‌,మార్క్‌ టైలర్‌- టాప్‌ గన్‌: మావెరిక్‌, ఉత్తమ విజువల్‌ ఎఫెక్ట్స్‌: జో లెట్టెరి,రీచర్ బనేహమ్‌, ఎరిక్‌ సైన్‌డన్‌, డానియల్ బారెట్‌-అవతార్‌:ది వే ఆఫ్‌ వాటర్‌, ఉత్తమ రైటింగ్(అడాప్టెడ్‌ స్క్రీన్‌ప్లే): సారా పోల్లే-వుమెన్‌ టాకింగ్‌, ఉత్తమ రైటింగ్(ఒరిజినల్‌ స్క్రీన్‌ ప్లే): డానియల్ క్వాన్‌, డానియల్ స్కీనర్ట్‌-ఎవ్రీథింగ్ ఎవ్రీవేర్ ఆల్ ఎట్ వన్స్, ఉత్తమ దర్శకుడిగా డానియల్ క్వాన్‌, డానియల్ స్కీనర్ట్‌-ఎవ్రీథింగ్ ఎవ్రీవేర్ ఆల్ ఎట్ వన్స్, ఉత్తమ చిత్రంగా ఎవ్రీథింగ్ ఎవ్రీవేర్ ఆల్ ఎట్ వన్స్ నిలిచింది.
ఉత్తమ నటిగా ఆస్కార్ అవార్డు తొలిసారి ఆసియాకు చెందిన ఓ మహిళను వరించింది. ఉత్తమ నటిగా ఆస్కార్ 2023 అవార్డును మలేషియాకు చెందిన మిచెల్లే యేహ్ అందుకున్నారు. ‘ఎవ్రీథింగ్ ఎవ్రీవేర్ ఆల్ ఎట్ వన్స్’ సినిమాలో నటనకు గాను ఆమెకు పురస్కారం లభించింది. 1935లో ఆసియా నుంచి మెర్లే ఒబెరాన్ ఉత్తమ నటి కేటగిరీకి నామినేట్ అయినా కానీ అవార్డు గెలుచుకోలేకపోయింది.
