More

    టైలర్ హత్యలో హైదరాబాద్ వాసి..! ఎన్ఐఏ విచారణలో విస్తుపోయే వాస్తవాలు..!!

    దేశంలో ఎక్కడ ఉగ్రకుట్ర బయటపడినా దాని మూలాలు భాగ్యనగరంలో వెలుగు చూస్తాయి. కొన్ని కొన్ని సార్లు ఇతర దేశాల్లో జరిగిన ఘటనలకు సైతం హైదరాబాద్ తో లింకులు వెలుగు చూశాయి. మొన్న జరిగిన టైలర్ కన్హయ్యలాల్ హత్యలోనూ ఓల్డ్ సిటీకి చెందిన వ్యక్తి ప్రమేయం బయటపడింది.

    రాజస్థాన్ రాష్ట్రంలోని ఉదయపూర్‎లో టైలర్ కన్నయ్హలాల్ హత్య కేసు నిందితులకు హైదరాబాద్ తో లింకులున్నాయా అనే కోణంలో ఎన్ఐఏ అధికారులు దర్యాప్తు చేస్తున్నారు. ఉదయ్ పూర్ లో టైలర్ ను హత్య చేసిన నిందితులు గతంలో హైద్రాబాద్ లో కూడా ఉన్నారని ఎన్ఐఏ అధికారులు తమ దర్యాప్తులో గుర్తించారు. ఉదయ్ పూర్ టైలర్ కన్హయ్యలాల్ హత్య కేసులో ఇద్దరు నిందితులు గౌస్ మహ్మద్, మహ్మద్ రియాజ్ అత్తారిలను ఎన్ఐఏ ఇప్పటికే అరెస్ట్ చేశారు. నిందితులు హైద్రాబాద్ లోని సంతోష్ నగర్ ప్రాంతంలో షెల్టర్ తీసుకున్నారని ఎన్ఐఏ అధికారులు గుర్తించారు. గతంలో అట్టారి, మహమ్మద్ గౌస్ లు హైద్రాబాద్ వచ్చినట్టుగా పోలీసులు ఎన్ఐఏ అధికారులు గుర్తించారు.

    కరాచీ నుండి నేరుగా హైద్రాబాద్ వచ్చారని ఎన్ఐఏ తమ దర్యాప్తులో గుర్తించారు. ఈ ఇద్దరు నిందితులకు హైద్రాబాద్ లోని ఆశ్రయం ఇచ్చిన వ్యక్తిని ఎన్ఐఏ అధికారులు మంగళవారం నాడు విచారించారు. మున్వర్ అనే వ్యక్తిని ఎన్ఐఏ అధికారులు విచారించి వదిలేశారు. ఈ నెల 14న జైపూర్ లో నిర్వహించే విచారణకు హాజరుకావాలని కూడా ఎన్ఐఏ అధికారులు నోటీసులు ఇచ్చారు. మున్వర్, హుస్సేన్ ఆశ్రఫ్ లను ఎన్ఐఏ అధికారులు విచారించారని ఓ జాతీయ ఛానల్ ప్రసారం చేసింది. వీరిని ఈ నెల 14న రాజస్థాన్ లో నిర్వహించే విచారణకు రావాలని ఆ ఛానల్ తన కథనంలో తెలిపింది.

    రాజస్థాన్ టైలర్ కన్హయలాల్ బీజేపీ నుండి సస్పెన్షన్ కు గురైన నుపుర్ శర్మ కు మద్దతుగా సోషల్ మీడియాలో పోస్టు చేశారు. ఈ పోస్టు షేర్ చేసిన కన్హయ్యలాల్ ను ఈ ఏడాది జూన్ 28న నిందితులు హత్య చేశారు. ఈ ఘటనను సోషల్ మీడియాలో పోస్టు చేశారు. ఈ ఘటన దేశ వ్యాప్తంగా సంచలనానికి కారణమైంది. ఈ కేసును ఎన్ఐఏ విచారణకు ఆదేశించింది. ఈ హత్యకు పాల్పడిన ఇద్దరు నిందితులను ఎన్ఐఏ అరెస్ట్ చేసి విచారణ నిర్వహిస్తుంది. వారి దర్యాప్తులో పోలీసులు కీలక సమాచారాన్ని సేకరించారు. అట్టర్ ఫోన్ లో ఉన్న సమాచారం ఆధారంగా నిందితులు హైద్రాబాద్ లో ఆశ్రయం పొందారని గుర్తించారు. హైద్రాబాద్ లో వీరికి ఆశ్రయం ఇచ్చిన వ్యక్తి ఇచ్చిన సలహాను కూడా నిందితులు పాటించారని కూడా ఎన్ఐఏ అధికారులు గుర్తించారని సదరు జాతీయ ఛానల్ తన కథనంలో తెలిపింది.

    హత్యకు సంబంధించి దృశ్యాలను సోషల్ మీడియాలో పోస్టు చేయాలని నిందితులకు ఎవరు సలహా ఇచ్చారనే విషయమై కూడా ఎన్ఐఏ దర్యాప్తు చేస్తుంది. ఇదే సమయంలో నిందితులు గతంలో ఎక్కడెక్కడ తిరిగారు. వారికి వెవరెవరితో సంబంధాలున్నాయనే విషయమై ఎన్ఐఏ అధికారులు దర్యాప్తు చేస్తున్నారు. అలాగే నిందితులకు ఉగ్రవాదులతో లింకులు ఉన్నాయని ఎన్ఐఏ విచారణలో వెల్లడైంది. పాకిస్తాన్ కు చెందిన ఉగ్రవాద సంస్ధతో వారికి లింకులు ఉన్నట్లు కూడా స్పష్టమైంది. అందుకే టైలర్ కన్హయ్య లాల్ హత్యను అధికారులు ఉగ్రకుట్రగా అభివర్ణించారు. అలాగే వారు ఉగ్రవాదులతో పలు మార్లు ఫోన్ మాట్లాడినట్లు కూడా దర్యాప్తు బృందం నిర్ధారించుకుంది. ఇక ఉదయ్ పూర్ టైలర్ హత్య కేసులో జూన్ 29న ఎన్ఐఏ కేసు నమోదు చేసింది. ఉగ్రవాద నిరోధక చట్ట విరుద్ద కార్యకలాపాల కింద కేసు నమోదైంది. ఐపీసీ 452, 302, 153ఏ, 153 బీ, 295 ఏ, 34 సెక్షన్లతో పాటు ఉపా చట్టం 1967 సెక్షన్లు 16,18, 20 కింద ఎన్ఐఏ అధికారులు కేసు నమోదు చేశారు.

    spot_img

    Trending Stories

    Related Stories