ఆదివారం గీలాంగ్‌లో జరిగిన ICC పురుషుల T20 ప్రపంచ కప్ 2022 ప్రారంభ మ్యాచ్‌లో నమీబియా 55 పరుగుల తేడాతో ఆసియా కప్ ఛాంపియన్ శ్రీలంకను మట్టికరిపించింది. తొలుత బ్యాటింగ్‌కు దిగిన నమీబియా 20 ఓవర్లలో 7 వికెట్ల నష్టానికి 163 పరుగులు చేసింది. 14.2 ఓవర్లలో 6 వికెట్ల నష్టానికి 93 పరుగులు చేసి నమీబియా పీకల్లోతు కష్టాల్లో పడింది. ఆ సమయంలో జాన్ ఫ్రైలింక్ (44 బంతుల్లో 28బంతులు; 4×4), జెజె స్మిట్ (31 నాటౌట్ ఆఫ్ 16బి; 2×4, 2×6) ఏడో వికెట్‌కు కేవలం 34 బంతుల్లోనే 70 పరుగుల భాగస్వామ్యాన్ని నెలకొల్పారు. ఈ భాగస్వామ్యం మ్యాచ్ స్వరూపాన్నే మార్చేసింది. శ్రీలంక తరఫున ప్రమోద్ మదుషన్ లియానగమగే (2/37), మహేశ్ తీక్షణ (1/23), దుష్మంత చమీర (1/39), చమిక కరుణరత్నే (1/36), వనిందు హసరంగా డి సిల్వా (1/27) బౌలింగ్ లో రాణించారు.
ఇక ఆసియా కప్ ఛాంపియన్ పవర్‌ప్లే లోపలే మూడు వికెట్లు కోల్పోవడంతో తేరుకోలేకపోయింది. 3.3 ఓవర్లలో పాతుమ్ నిస్సాంక (9), కుసల్ మెండిస్ (6), దనుష్క గుణతిలక (0) ఔటయ్యారు. భానుక రాజపక్సే (21 బంతుల్లో 20; 2×4), శ్రీలంక కెప్టెన్ దసున్ షనక (23 బంతుల్లో 27; 2×4, 1×6) రాణించారు. శ్రీలంక 19 ఓవర్లలో 108 పరుగులకే ఆలౌట్ కావడంతో నమీబియా అద్భుతమైన విజయాన్ని అందుకుంది. నమీబియా తరఫున బెన్ షికోంగో (2/22), బెర్నార్డ్ స్కోల్ట్జ్ (2/18), డేవిడ్ వైస్ (2/16), జేజే స్మిట్ (1/16), జాన్ ఫ్రైలింక్ (2/26) వికెట్లు తీసి శ్రీలంక పతనాన్ని శాసించారు.
