More

    ములుగు ఎమ్మెల్యే సీతక్కకు తప్పిన పెను ప్రమాదం

    కాంగ్రెస్ నేత, ములుగు ఎమ్మెల్యే సీతక్కకు పెను ప్రమాదం తృటిలో తప్పింది. వర్షాలకు, వరదలకు ఏజెన్సీ ప్రాంతాల్లోని చాలా గ్రామాలు ముంపునకు గురై వరదల్లో చిక్కుకున్నాయి. చాలా ప్రాంతాల్లో నివాసాలు చెల్లాచెదురై నిరాశ్రయులయ్యారు. ఈ క్రమంలో ముంపు ప్రాంతాల్లో నివసిస్తోన్న ప్రజలకు నిత్యావరసరాలు పంపిణీ చేసిన ఎమ్మెల్యే సీతక్క పడవలో తిరిగి ప్రయాణమయ్యారు. ఈ నేపథ్యంలో పడవ వాగులోని ఓ చెట్టును ఢీకొట్టి ఆగిపోయింది. వెంటనే విషయం తెలుసుకున్న అధికారులు మరో పడవలో అక్కడికి చేరుకొని సీతక్కను సురక్షితంగా ఒడ్డుకు చేర్చారు. ఎమ్మెల్యేతో పాటు పడవలో ప్రయాణిస్తున్న వారంతా ఊపిరి పీల్చుకున్నారు. ఈ ఘటన ములుగు జిల్లా ఏటూరునాగారం మండలం ఎలిశెట్టిపెల్లిలో వరద ప్రాంతంలో చోటు చేసుకుంది.

    Trending Stories

    Related Stories