More

    ‘కాంతారా’ను ఇంతలా ఆదరిస్తారని ఊహించలేదు : రిషబ్ శెట్టి

    న్నడలో సెప్టెంబర్ 30న విడుదలైన ‘కాంతార’ చిత్రం బాక్సాఫీస్ వద్ద బ్లాక్ బస్టర్ హిట్ అయింది. ఈ చిత్రం తెలుగులో అక్టోబర్ 15న ప్రేక్షకుల ముందుకొచ్చింది. ఇక్కడ కూడా బ్లాక్ బస్టర్ హిట్ అయింది. ఈ చిత్రాన్ని తెలుగులో మెగా నిర్మాత అల్లు అరవింద్ “గీతా ఫిలిం డిస్ట్రిబ్యూషన్” ద్వారా విడుదల చేసారు. ఈ చిత్రం విజయవంతగా ఆడుతున్న తరుణంలో ప్రేక్షకులను నేరుగా కలిసేందుకు ఈ చిత్ర యూనిట్ సక్సెస్ టూర్ ను నిర్వహించనుంది. టూర్ భాగంగా తిరుపతి థియేటర్ ను సందర్శించారు. అలానే విశాఖపట్నంలో ఉన్న జాగదాంబ థియేటర్ ను కూడా కాంతారా టీం సందర్శించారు. ఇరు చోట్ల ప్రేక్షకులతో సినిమా విశేషాలను పంచుకుంటూ మాట్లాడారు. ”ఈ సినిమాను తెలుగు ప్రేక్షకులు ఇంతగా ఆదరిస్తారు అనుకోలేదు. 2 వారాల్లో ఈ సినిమా 45 కోట్లు వసూళ్లు సాధించి దాదాపుగా 50 కోట్ల వసూళ్లకు చేరువవ్వడం ఆనందంగా ఉంది. ఇంతలా ఆదరించినందుకు కృతజ్ఞతలు. ఇండియా వైడ్ కూడా ఈ సినిమా చాలా బాగా ఆడుతుంది. మీ ఆదరాభిమానాలు ఎప్పటికీ ఇలానే కొనసాగాలని మనస్ఫూర్తిగా కోరుకుంటున్నాను. ఇంకా ముందు ముందు మీరు మెచ్చే, మీకు నచ్చే విధంగా సినిమాలను చేస్తాను” అన్నారు రిషబ్ శెట్టి.
    కాంతార చిత్రం గురించి ఇదివరకే మెగా నిర్మాత అల్లు అరవింద్ మాట్లాడుతూ… ”సినిమాకి లాంగ్వేజ్ బారియర్ లేదు సినిమాకి ఎమోషన్ బారియర్ ఒకటే ఉంటుంది అని కాంతార చిత్రం ప్రూవ్ చేసింది. ఈ సినిమాను కన్నడలో చూసి పరిగెత్తుకుంటూ నా దగ్గరకు వచ్చి అర్జెంటుగా మీరొక సినిమా చూడండి అంటూ బన్ని వాసు నాతో చెప్పాడు. ఏంటి బన్ని వాసు ఇంత ఎగ్జైట్మెంట్ చెబుతున్నాడు అనుకున్నాను. సినిమా చూసినప్పుడు నాకు ఎమోషన్ అర్ధమైంది.ఈ ఎమోషన్ కి కనెక్ట్ అయ్యి దీనిని తెలుగులో డిస్ట్రిబ్యూషన్ చేస్తే బాగుంటుంది అనిపించి ఒక అవకాశంగా తీసుకుని దీనిని తెలుగులో రిలీజ్ చేసాం” అని చెప్పారు.

    Trending Stories

    Related Stories