కంటైనర్లో తరలిస్తున్న సెల్ఫోన్ లోడును స్వాహా చేసిన ఘరానా మోసగాళ్ళ గుట్టును కడప పోలీసులు రట్టు చేశారు. ఘటన జరిగిన గంటల వ్యవధిలోనే పోలీసులు కేసును ఛేధించారు. సెల్పోన్ల లోడుతో పరారైన ఇద్దరిని అరెస్ట్ చేశారు. మరో నలుగురు కోసం గాలింపు చేపట్టారు. వారి వద్ద నుంచి కోటి 58లక్షల రూపాయల విలువైప 1397 సెల్ఫోన్లు, 5 ల్యాప్ట్యాప్లు, 193 బ్లూ టూత్లు, 2 కార్లు స్వాధీనం చేసుకున్నారు. నిందితులను జిల్లా పోలీసు అధికారి కార్యాలయంలో మీడియా ఎదుట హాజరు పరచి వివరాలను ఎస్పీ అన్బురాజన్ వెల్లడించారు. బ్లూ డాట్ కంపెనీ ఫిర్యాదు మేరకు గత నెల 30న చిన్నచౌక్ పోలీస్స్టేషన్లో కేసు నమోదు చేయడం జరిగిందని ఎస్పీ తెలిపారు. పరారీలో ఉన్న నిందితుల కోసం 14 ప్రత్యేక బృందాలతో గాలింపు చేపట్టినట్లు తెలిపారు. ఇర్కాన్ సర్కిల్ వద్ద నిందితులను అదుపులోకి తీసుకున్నట్లు మీడియా కు వివరించారు.
