More

    తాలిబాన్లపై ఫేస్ బుక్ బ్యాన్.. ట్విట్టర్ మాత్రం..!

    తాలిబాన్లను సోషల్ మీడియాలో కొనసాగించరాదని ప్రముఖ నెట్వర్కింగ్ సైట్ ఫేస్ బుక్ భావిస్తోంది. తాలిబన్లను తీవ్రవాదులుగా పేర్కొంటూ ఫేస్ బుక్ తాజాగా నిషేధం విధించింది. తమ ఇతర వేదికలైన వాట్సాప్, ఇన్ స్టాగ్రామ్ లను కూడా వినియోగించకుండా ఫేస్ బుక్ నిషేధాజ్ఞలు ప్రకటించింది. ఫేస్బుక్ తాలిబాన్లను తమ అన్ని ప్లాట్‌ఫారమ్‌లలో వారికి మద్దతు ఇచ్చే అన్ని కంటెంట్‌లను తొలగిస్తూనే ఉంటుంది. యుఎస్ చట్టం ప్రకారం తాలిబాన్లను ఉగ్రవాద సంస్థగా పరిగణిస్తున్నట్లు ప్రకటించింది. ఆఫ్ఘన్ నిపుణుల ప్రత్యేక బృందం దాని ప్లాట్‌ఫారమ్‌ల నుండి సమూహానికి లింక్ చేయబడిన మొత్తం కంటెంట్‌ను పర్యవేక్షిస్తుండడమే కాకుండా తీసివేయడం కూడా జరుగుతుంది.

    తాలిబన్లకు మద్దతుగా ఉన్న కంటెంట్ పైనా ఫేస్ బుక్ కొరడా ఝళిపించింది. తమ సోషల్ మీడియా సైట్లలో తాలిబన్ల అనుకూల కంటెంట్ ను తొలగించేందుకు నిపుణుల బృందాన్ని ఏర్పాటు చేస్తోంది. ఆఫ్ఘానీ భాషలైన డారీ, పాష్తోలలో ప్రావీణ్యం ఉన్న స్థానికుల‌ను ఆ స్పెష‌ల్ టీమ్‌లో సభ్యులుగా చేర్చింది. స్థానిక పరిస్థితులపై లోతైన అవగాహన ఉన్న వీరు.. ఫేస్‌బుక్‌లో తాలిబన్లకు సంబంధించిన సమాచారం కోసం జల్లెడపడుతూ.. సంస్థను ఎప్పటికప్పుడు అలర్ట్ చేస్తుంటారు. ANI తో ఫేస్ బుక్ ప్రతినిధి మాట్లాడుతూ, “తాలిబాన్లను US చట్టం ప్రకారం ఉగ్రవాద సంస్థగా గుర్తించారు. తమ ఆర్గనైజేషన్ పాలసీల ప్రకారం మేము మా సేవల నుండి వారిని నిషేధించాము. అంటే మేము తాలిబాన్ తరపున/వారి తరపున నిర్వహించే ఖాతాలను తీసివేస్తాము వారికి మద్దతు ప్రాతినిధ్యాన్ని ఇచ్చే పోస్టులను/ఖాతాలను నిషేధిస్తాము” అని అన్నారు.

    ట్విట్టర్ పై విమర్శలు:

    ఆఫ్ఘనిస్తాన్‌లోని వివిధ ప్రాంతాలను తమ ఆధీనంలోకి తీసుకున్న ప్రతి విషయాన్ని తాలిబాన్లు ట్విట్టర్ లో పంచుకున్నారు. తమ అనుచరులను అప్‌డేట్ చేయడానికి తాలిబాన్ ప్రతినిధులు ట్విట్టర్ వేదికను ఉపయోగించడంతో ట్విట్టర్ తీవ్ర విమర్శలకు గురైంది.
    అయితే ట్విట్టర్ ప్రతినిధి మాత్రం తీవ్రవాదాన్ని, పౌరులపై హింసను ప్రోత్సహించే సమూహాలను ట్విట్టర్ అనుమతించదని, హింసాత్మక సంస్థలు మరియు ద్వేషపూరిత ప్రవర్తనకు వ్యతిరేకంగా తమ విధానాలు రూపొందించబడ్డాయని తెలిపారు.

    Trending Stories

    Related Stories