National

వీడయో.. వారణాసి శివుడి గర్భగుడిలో గొడవ.. కొట్టుకున్న భక్తులు, సిబ్బంది..!

వారణాసిలోని కాశీ విశ్వనాథుడి ఆలయం ఎంతో ప్రత్యేకమైనది. ఆ ఆలయానికి దేశ విదేశాల నుంచి భారీగా భక్తులు వస్తుంటారు. అలాంటి ఆలయంలో గొడవ జరిగింది.

ఆలయ గర్భగుడిలో దర్శనం విషయంలో వాగ్వాదం చోటుచేసుకొని.. కొట్టుకునే వరకు వెళ్లింది. దీంతో, ఈ ఘటనకు సంబంధించిన వీడియో సోషల్‌ మీడియాలో చక్కర్లు కొడుతోంది. శనివారం సాయంత్రం గర్భగుడిలో శివుడికి హారతి ఇస్తున్నారు. ఈ క్రమంలో తలుపులు మూసివేస్తుండగా ఇద్దరు భక్తులు దర్శనం చేసుకుంటామని పట్టుబట్టారు. దీంతో, ఆలయ సిబ్బందితో వాగ్వాదానికి దిగారు. సిబ్బంది ఎంత చెబుతున్నా వినిపించుకోకుండా.. వారితో దురుసుగా ప్రవర్తించారు.

ఈ నేపథ్యంలో మాటా మాటా పెరిగి ఆలయ సిబ్బంది, ఇద్దరు భక్తులు గర్భగుడిలోనే ఒకరినొకరు తోసుకుంటూ కొట్టుకున్నారు. అయితే, ఈ ఘటన జరిగిన అనంతరం.. ఆలయ సిబ్బంది నిర్వాహకులకు లేఖ రాశారు. ఈ లేఖలో తమకు పోలీసులు సహకరించలేదని ఆరోపిస్తూ ఆవేదన వ్యక్తం చేశారు. ఇదిలా ఉండగా.. కొద్దిరోజుల క్రితమే కాశీలో దర్శనం విషయంలో పోలీసులు, ఆలయ సిబ్బందికి మధ్య గొడవ జరిగిన ఘటన మరువక ముందే తాజాగా ఇలా జరిగింది. కాగా, దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.

Related Articles

Leave a Reply

Your email address will not be published.

15 + 11 =

Back to top button