National

పెండింగ్ కేసులపై సీజేఐ సంచలన వ్యాఖ్యలు..!

దేశంలోని కోర్టుల్లో పెండింగ్ లో ఉన్న కేసులపై సుప్రీం చీఫ్ జస్టిస్ సంచలన వ్యాఖ్యలు చేశారు. న్యాయ‌వ్యవ‌స్ధ‌లో ఖాళీల భ‌ర్తీ చేప‌ట్ట‌క‌పోవ‌డంతోనే కేసులు ప‌రిష్కారానికి నోచుకోక పేరుకుపోతున్నాయ‌ని కేంద్ర ప్ర‌భుత్వానికి చుర‌క‌లు వేశారు.

జైపూర్‌లో జ‌రిగిన అఖిల భార‌త న్యాయ సేవ‌ల అథారిటీస్ స‌మావేశంలో న్యాయ శాఖ మంత్రి కిర‌ణ్ రిజిజు లేవనెత్తిన అంశాల‌కు జ‌స్టిస్ ఎన్‌వీ ర‌మ‌ణ బ‌దులిచ్చారు. న్యాయ శాఖ మంత్రి ప్ర‌స్తావించిన అంశాల‌పై స్పందించ‌డం త‌న బాధ్య‌త‌ని పేర్కొన్న జ‌స్టిస్ ఎన్‌వీ ర‌మ‌ణ పెండింగ్ కేసుల అంశాన్ని ప్ర‌స్తావించారు. న్యాయ‌మూర్తులుగా తాము విదేశాల‌కు వెళ్లినా ఇదే ప్ర‌శ్న అడుగుతుంటార‌ని, ఓ కేసును ప‌రిష్క‌రించేందుకు ఎన్నేండ్ల స‌మ‌యం ప‌డుతుంద‌ని అడుగుతుంటార‌ని చెప్పుకొచ్చారు. పెండింగ్ కేసుల‌కు కార‌ణ‌మేంటో మీ అంద‌రికీ తెలుస‌ని, దానిపై తాను స‌వివ‌రంగా చెప్పాల్సిన ప‌నిలేద‌ని అన్నారు.

న్యాయ‌వ్య‌వ‌స్ధ‌లో ఖాళీల భ‌ర్తీ చేప‌ట్ట‌క‌పోవ‌డంతో పాటు జ్యుడిషియ‌ల్ మౌలిక వ‌స‌తుల‌ను మెరుగుప‌ర‌చ‌క‌పోవ‌డమే పెండింగ్ కేసులు పేరుకుపోవ‌డానికి కార‌ణ‌మ‌ని స్ప‌ష్టం చేశారు. ఇదే విష‌యం తాను గ‌తంలో ప్ర‌ధాన న్యాయ‌మూర్తులు-ముఖ్య‌మంత్రుల స‌మావేశంలోనూ తేల్చిచెప్పాన‌ని తెలిపారు. ఈ అంశాల‌ను ప‌రిష్క‌రించేందుకు న్యాయ‌వ్య‌వ‌స్ధ శ్ర‌మిస్తోంద‌ని, ప్ర‌భుత్వం ఖాళీల భ‌ర్తీ, కోర్టుల్లో మౌలిక వ‌స‌తుల మెరుగుద‌ల‌పై దృష్టి సారించాల‌ని కోరారు. జ్యుడిషియ‌ల్ ఇన్‌ఫ్రాస్ట్ర‌క్చ‌ర్ అథారిటీని ఏర్పాటు చేయాల‌ని తాము సూచించామ‌ని, అయితే ఈ ప్ర‌తిపాద‌న ఇంకా కార్య‌రూపానికి రాలేద‌ని అన్నారు.

Related Articles

Leave a Reply

Your email address will not be published.

four + 9 =

Back to top button