Telugu States

ఆంధ్రప్రదేశ్ లో కర్ఫ్యూ నిబంధనల్లో మార్పులు.. సినిమా థియేటర్లు కూడా ఓపెన్

ఆంధ్రప్రదేశ్ రాష్ట్రంలో కరోనా ఉద్ధృతి తగ్గుతూ ఉండడంతో ఏపీ సర్కారు కర్ఫ్యూ సడలింపులు ఇస్తూ వస్తోంది. తాజాగా కర్ఫ్యూ సడలింపు సమయాల్లో మార్పులు చేసింది. ఉభయ గోదావరి జిల్లాల్లో ఇప్పుడు కేసులు తగ్గుముఖం పడుతుండడంతో ఆ రెండు జిల్లాల్లోనూ సడలింపు సమయాలు మార్చుతున్నట్టు ప్రకటించింది. ఉభ‌య గోదావ‌రి జిల్లాల్లో ఉద‌యం 6 నుంచి సాయంత్రం 7 గంట‌ల వ‌ర‌కు క‌ర్ఫ్యూ స‌డ‌లించారు. సాయంత్రం 6 గంట‌ల‌కే దుకాణాలు మూసివేయాల‌ని ప్ర‌భుత్వం ఆదేశాలు జారీ చేసింది. మిగ‌తా జిల్లాల్లో ఉద‌యం 6 నుంచి రాత్రి 10 గంట‌ల వ‌ర‌కు క‌ర్ఫ్యూ నుంచి మిన‌హాయింపులు ఇచ్చారు. పాజిటివిటీ రేటు 5 శాతం కంటే త‌క్కువ‌ వ‌చ్చేంత‌ వ‌ర‌కు ఆంక్ష‌ల కొన‌సాగింపు ఉంటుంద‌ని అధికారులు తెలిపారు. ఆంధ్రప్రదేశ్ రాష్ట్రమంతటా థియేట‌ర్లు, జిమ్‌లు, ఫంక్ష‌న్ హాళ్ల‌ను తెరిచేందుకు ఏపీ ప్ర‌భుత్వం అనుమ‌తి ఇచ్చింది.

రాష్ట్ర వైద్య ఆరోగ్యశాఖ అధికారులతో సమీక్ష నిర్వహించిన అనంతరం సీఎం జగన్ ఈ నిర్ణయం తీసుకున్నారు. మిగతా జిల్లాల్లో ఉదయం 6 గంటల నుంచి రాత్రి 10 గంటల వరకు కర్ఫ్యూ సడలింపు ఉంటుంది. ఈ జిల్లాల్లో రాత్రి 9 గంటలకే దుకాణాలు మూసివేయాల్సి ఉంటుందని ఆదేశించారు. 50 శాతం సామర్థ్యంతో సినిమా థియేటర్లు, జిమ్ లు, కల్యాణ మండపాల కార్యకలాపాలకు ప్రభుత్వం అనుమతి ఇచ్చింది. కరోనా మార్గదర్శకాలను పాటిస్తూ సీట్ల మధ్య ఖాళీలతో సినిమా ప్రదర్శనలు నిర్వహించుకోవచ్చని తెలిపింది. ఈ సడలింపులు జులై 8వ తేదీ నుంచి అమల్లోకి రానున్నాయి.

Related Articles

Leave a Reply

Your email address will not be published. Required fields are marked *

1 + 5 =

Back to top button