More

    కోట్ల విలువైన కార్లు.. ఓడలో తీసుకుని వస్తుండగా అగ్ని ప్రమాదం

    జర్మనీ నుండి యునైటెడ్ స్టేట్స్‌ ఆఫ్ అమెరికాకు కార్లను తీసుకెళ్తున్న ఓ ఓడ మంటల్లో చిక్కుకుపోయింది. మంటలను అదుపు చేయలేకపోవడంతో సిబ్బంది ఓడను విడిచిపెట్టి వచ్చేయాల్సి వచ్చింది. బుధవారం అట్లాంటిక్ మహాసముద్రంలోని ఓ ఓడలో మంటలు చెలరేగాయి. ఫెలిసిటీ ఏస్ అనే 650 అడుగుల పొడవైన ఓడ 1,100 పోర్షే కార్లతో సహా వేలాది వాహనాలను తీసుకువెళుతోంది. గురువారం అజోర్స్ తీరంలో ఒక్కసారిగా మంటలు చెలరేగాయి.

    ఈ నౌక ఫిబ్రవరి 10న జర్మనీలోని ఎమ్డెన్ నుండి బయలుదేరి బుధవారం రోడ్ ఐలాండ్స్‌లోని డేవిస్‌విల్లేకు చేరుకోవాల్సి ఉంది.పనామా జెండాతో కూడిన ఓడ బుధవారం ఉదయం ప్రమాద సంకేతాన్ని ఇచ్చింది. పోర్చుగీస్ నేవీ పెట్రోలింగ్ బోట్‌తో పాటు ఆ ప్రాంతంలోని నాలుగు వాణిజ్య నౌకలకు సిగ్నల్ చేరింది. పోర్చుగీస్ దళాలు ఓడను గుర్తించినప్పుడు ఓడ అజోర్స్‌లోని టెర్సీరా ద్వీపం నుండి 200 మైళ్ల దూరంలో ఉంది. వెంటనే ఘటనాస్థలికి చేరుకుని సిబ్బందిని రక్షించారు.

    పోర్చుగీస్ నావికాదళం సిబ్బందిని ప్రత్యేకమైన ఆపరేషన్‌లో రక్షించింది. ఓడలోని సిబ్బందిని సమీపంలోని పోర్చుగీస్ ద్వీపమైన ఫైయల్‌కు తరలించారు. సిబ్బందిలో ఎవరూ గాయపడలేదు. ఉత్తర అమెరికాకు డెలివరీ చేయడానికి సిద్ధంగా ఉన్న పోర్షే, వోక్స్‌వ్యాగన్‌ కంపెనీలకు చెందిన ఇతర లగ్జరీ బ్రాండ్-న్యూ కార్లు బోటులో ఉంచబడ్డాయి. వోక్స్‌వ్యాగన్ గ్రూప్ 189 బెంట్లీలతో సహా దాదాపు 4,000 వాహనాలు అందులో ఉన్నట్లు అంచనా వేసింది. ఫెలిసిటీ ఏస్ క్రమం తప్పకుండా VW గ్రూప్ కోసం చార్టర్డ్ వెసెల్‌గా ఉపయోగించబడుతుంది. ఆ నౌక‌లో 3,965 వోక్స్‌వ్యాగన్ AG వాహనాలు ఉన్నట్లు వోక్స్‌వ్యాగన్ యొక్క యూఎస్‌ కార్యకలాపాల నుండి వచ్చిన అంతర్గత ఇమెయిల్ వెల్లడించింది. జర్మనీలోని వోల్ఫ్స్‌బర్గ్‌లో వోక్స్‌వ్యాగన్ ప్రధాన కార్యాల‌యం ఉంది. ఇక్క‌డ వోక్స్‌వ్యాగన్ బ్రాండ్‌తో పాటు పోర్షే, ఆడి, లంబోర్ఘినిలను తయారు చేస్తుంది. అగ్నిప్రమాదం జరిగిన సమయంలో ఫెలిసిటీ ఏస్‌లో ఉన్న వాటిలో సుమారు 1,100 వాహనాలు ఉన్నాయని కంపెనీ అంచనా వేస్తున్నట్లు పోర్షే ప్రతినిధి ల్యూక్ వాండెజాండే తెలిపారు. ఫెసిలిటీ ఏస్ ప‌రిమాణం దాదాపు మూడు పుట్‌బాల్ స్టేడియాల‌కు స‌మానంగా ఉంటుంది. నౌక‌ను ఒడ్డుకు చేర్చేందుకు కావాల్సిన ఏర్పాట్లు చురుగ్గా సాగుతున్న‌ట్లు పోర్చుగీసు నేవీ తెలిపింది.

    Trending Stories

    Related Stories