సోమవారం గుజరాత్‌లోని కచ్ జిల్లాలో భారత భూభాగంలోకి చొరబడేందుకు ప్రయత్నించిన పాకిస్థాన్ ఫిషింగ్ బోట్‌ను సరిహద్దు భద్రతా దళం (బీఎస్‌ఎఫ్) స్వాధీనం చేసుకుంది. BSF భుజ్ బృందం హరామీ నాలా ప్రాంతంలో కొన్ని పాకిస్తాన్ ఫిషింగ్ బోట్లు, మత్స్యకారుల కదలికలను గమనించింది. BSF పార్టీ సంఘటనా స్థలానికి చేరుకుని అంతర్జాతీయ సరిహద్దుకు సమీపంలో ఇంజిన్ అమర్చిన ఫిషింగ్ బోట్‌ను స్వాధీనం చేసుకుంది. పాకిస్థాన్ ఫిషింగ్ బోట్‌ను స్వాధీనం చేసుకున్నామని బీఎస్‌ఎఫ్ అధికారి ఒకరు తెలిపారు. పడవలో కొంతమంది వ్యక్తులు కనిపించారు, కానీ వారు నీటిలోకి దూకి పాకిస్తాన్ వైపు ఈదుకుంటూ తప్పించుకోగలిగారని అధికారులు తెలిపారు. సోమవారం ఉదయం సరిహద్దు భద్రతా దళం పాకిస్థాన్ బోట్‌ను స్వాధీనం చేసుకుంది. ఆ బోటు నుంచి కొన్ని ఐస్ డబ్బాలు, జెర్రీ డబ్బాలు, ఫిషింగ్ నెట్‌లను బీఎస్‌ఎఫ్ స్వాధీనం చేసుకుంది.
