More

    కన్వర్ యాత్రలో విషాదం

    కన్వర్ యాత్రలో విషాదం చోటు చేసుకుంది. శనివారం తెల్లవారుజామున ఉత్తరప్రదేశ్‌లోని హత్రాస్ జిల్లాలో వేగంగా వస్తున్న ట్రక్కు ఢీకొనడంతో భక్తులు మరణించారు. హరిద్వార్ నుండి భోపాల్‌కు వెళుతున్న కన్వర్ యాత్రికుల బృందంలోని ఆరుగురు వ్యక్తులు మరణించారని పోలీసులు తెలిపారు. ఈరోజు తెల్లవారుజామున 2:15 గంటలకు ఈ ఘటన జరగ్గా, ఐదుగురు వ్యక్తులు అక్కడికక్కడే మృతి చెందగా, ఒకరు ఆస్పత్రిలో చికిత్స పొందుతూ మృతి చెందారు.

    “హత్రాస్‌లోని సదాబాద్ పోలీస్ స్టేషన్ వద్ద ఈరోజు తెల్లవారుజామున 2.15 గంటల ప్రాంతంలో ఏడుగురు కన్వర్ భక్తులు ట్రక్కు కిందపడ్డారు. ఐదుగురు అక్కడికక్కడే మృతి చెందారు.. ఒకరు తీవ్రంగా గాయపడ్డారు. హరిద్వార్ నుండి గ్వాలియర్‌కు వెళుతున్నారు” అని అదనపు డైరెక్టర్ జనరల్ ఆఫ్ పోలీస్ రాజీవ్ కృష్ణ తెలిపారు. విచారణ జరుగుతోందని, ఘటనా స్థలం నుంచి పరారైన డ్రైవర్ గురించి తమకు సమాచారం అందిందని ఏడీజీ తెలిపారు. అతడిని త్వరలోనే పట్టుకుంటామని పోలీసు అధికారి తెలిపారు. కోవిడ్-19 ఆంక్షల కారణంగా రెండేళ్ల విరామం తర్వాత కన్వర్ యాత్ర ఈ సంవత్సరం పునఃప్రారంభమైంది. పవిత్ర తీర్థయాత్రలో ఎలాంటి అవాంఛనీయ సంఘటనలు జరగకుండా అధికారులు చర్యలు తీసుకుంటున్నారు.

    Trending Stories

    Related Stories