More

    భారత రక్షణ రంగంలో 5G విప్లవం..! డ్రోన్ల స్పీడు మామాలుగా ఉండదిక..!!

    త్వరలో ముంచెత్తబోతున్న 5జీ నెట్‎వర్క్.. దేశంలో పెనుమార్పులకు శ్రీకారం చుట్టనుందా..? సాంకేతికపరంగా అనేక మార్పులు చోటుచేసుకోనున్నాయా..? భారత రక్షణ వ్యవస్థలో కూడా పెనుమార్పులు తీసుకురాబోతోందా..? అంటే అవుననే అంటున్నారు టెక్నికల్ ఎక్స్ పర్ట్స్

    ఐదో తరం వైర్ లెస్ మొబైల్ నెట్ వర్క్ 5 G. ఇది ఏకీకృత, అత్యంత సామర్థ్యం గల ఎయిర్ ఇంటర్‌ఫేస్. 1980 తొలి తరంలో 1G అనలాగ్ వాయిస్ అందించగా.. రెండో తరం 1990 ప్రారంభంలో 2G డిజిటల్ వాయిస్‌ ప్రవేశపెట్టబడింది. కోడ్ డివిజన్ మల్టిపుల్ యాక్సెస్, CDMA దీనికి ఉదాహరణ. 2000 సంవత్సరం ప్రారంభంలో మూడో తరం 3G మొబైల్ డేటా అందించింది. CDMA 2000 దీనికి ఉదాహరణ. నాలుగో తరం 4G LTE. 2010 లో 4G LTE మొబైల్ బ్రాడ్‌ బ్యాండ్ యుగానికి నాంది పలికింది.

    1G,2G,3G,4G నెట్‌వర్క్‌ల అనంతరం రాబోతున్న కొత్తతరం ఇంటర్నెట్ విప్లవమే 5జీ. యంత్రాలు, వస్తువులు, పరికరాలతో సహా ప్రతి దానికి, ప్రతి ఒక్కరికీ కనెక్ట్ అయ్యేలా 5 G రూపొందించబడింది. మొబైల్ బ్రాడ్ బ్యాండ్, మిషన్ క్రిటికల్ సర్వీసులను ఈ టెక్నాలజీ హైలైట్ చేస్తుంది.

    వేగవంతమైన, విశ్వసనీయమైన కమ్యూనికేషన్ అందించడానికి ఉద్దేశించినదే 5 G నెట్ వర్క్. 4 G నెట్ వర్క్ ను ఈ న్యూ సెల్యూలార్ టెక్నాలజీ అధిగమించింది. 4 G నెట్ వర్క్ సెకనుకు ఆరు నుంచి ఏడు మెగా బైట్ లు మాత్రమే పంపిస్తే, ఈ కొత్త టెక్నాలజీ సెకనుకు రెండు నుంచి 20 గిగాబైట్లు పంపగలదు. అభివృద్ధి చెందిన దేశాల్లో 4G నెట్ వర్క్ సెకనుకు 25 మెగాబైట్ల వేగంతో వుంది.

    గరిష్ట డేటా వేగం, తక్కువ జాప్యం, భారీ నెట్ వర్క్ సామర్థ్యం, పెరిగిన లభ్యత, వినియోగదారుని అనుభవాలు ఏకరీతిన మరింత మంది వినియోగదారులకు అందించడానికి ఉద్దేశించింది 5G వైర్‌లెస్ టెక్నాలజీ . 4G,5G టెక్నాలజీలు సైనిక రంగంలో సాధారణంగా కమ్యూనికేషన్ కోసం ఉపయోగించబడతాయి. మానవ రహిత వైమానిక వాహనాలు, కమాండ్, కంట్రోల్, కన్ స్ట్రక్షన్, డ్రోన్ ల సమూహాలు 4G, 5G సాంకేతికతలో పనిచేస్తాయి. స్వల్ప, మధ్యస్థ, అధిక-ఫ్రీక్వెన్సీ స్పెక్ట్రా అనే మూడు బ్యాండ్ లలో 5 G పనిచేస్తుంది. 5G మొబైల్ పర్యావరణ వ్యవస్థను కొత్త రంగాల్లోకి విస్తరిస్తుంది. ఇది ప్రతి పరిశ్రమపై ప్రభావం చూపుతుంది.

    తక్కువ స్పెక్ట్రం వేగం సెకనుకు 100 కేబీపీఎస్. టెలీకమ్యూనికేషన్ సంస్థలు, హైస్పీడ్ ఇంటర్నెట్ డిమాండ్ లేని వాణిజ్య సెల్ ఫోన్ వినియోగదారుల కోసం దీనిని వినియోగించవచ్చు. మిడ్-స్పెక్ట్రమ్ బ్యాండ్, అధిక వేగాన్ని అందిస్తుంది. కర్మాగారాలు పారిశ్రామిక యూనిట్లలో దీనిని ఉపయోగించవచ్చు. అయితే, ప్రాంతం కవరేజ్, సిగ్నల్ టెలీకాస్ట్ సమస్య ఇందులో తలెత్తుతుంది. మూడోది హై స్పెక్ట్రమ్ బ్యాండ్. పై రెండు బ్యాండ్ లతో పోలిస్తే.. ఇది అత్యంత వేగాన్ని అందించినా, కవరేజ్ సమస్య అధికమే. అయితే, ఇంటర్నెట్ ఆఫ్ థింగ్స్, IOT తదితర అధునాతన సాంకేతికతలకు, ఫ్యూచర్ టెక్నాలజీకి ఇది చాలా అనుకూలం.

    హైపర్ సోనిక్ క్షిపణులు అధిక వేగంతో ప్రయాణిస్తాయి. 5G డేటా వాల్యూమ్‌లను క్షిపణి ఆపరేటర్‌కు సెకనులో కొంత భాగానికి బదిలీ చేస్తుంది. దేశంలోని క్షిపణి రక్షణ వ్యవస్థలకు ఇది వర్తిస్తుంది. ఎంతో ఉపయోగించబడుతుంది. హైపర్‌సోనిక్ క్షిపణి వ్యూహాత్మక స్థావరం, నగరం, ఓడను సమీపిస్తుంటే, దాన్ని గుర్తించడానికి ఎత్తు, వేగం, స్థానం తదితర పారామీటర్లు ఎన్నో వుంటాయి. 5 G టెక్నాలజీ ద్వారా ఇవన్నీ సాధ్యం అవుతాయి.

    దేశ మిలటరీ ISR భాగానికి 5G సాంకేతికత వరం లాంటిది. ISR అంటే ఇంటెలిజెన్స్, నిఘా, నిఘా సామర్థ్యాలు. ప్రస్తుత డ్రోన్ లు, క్షిపణులు 4 KB వీడియోల ప్రసారంలో విఫలం అవుతున్నాయి. 5G ఇండక్షన్‌తో, స్ట్రీమింగ్ ఎంతో మెరుగవుతుంది. డ్రోన్ కార్యకలాపాలకు సుసాధ్యం అవుతుంది. 5G సాంకేతికత ద్వారా సైనిక స్థావర భద్రత మెరుగవ్వడమే కాకుండా చొరబాట్లను నిరోధానికి సాధ్యం అవుతుంది. ఇదేకాక కృత్రిమ మేధస్సు బలోపేతానికి దోహదం అవుతుంది. 5G స్మార్ట్ వేర్‌హౌసింగ్ మెథడ్స్ ద్వారా మిలిటరీకి లాజిస్టికల్ సాయం అందుతుంది. బలమైన, కఠినమైన యుద్ద నెట్ వర్క్ షరతులన్నింటినీ 5G నిర్ధారిస్తుంది. నెరవేరుస్తుంది.

    మాసివ్ మెషిన్ టైప్ కమ్యూనికేషన్ MMTCలో 5G టెక్నాలజీ ఉపకరిస్తుంది. MMTC ఒక మిలియన్ పరికరాలను, మిలియన్ చదరపు కిలోమీటర్ల విస్తీర్ణంలో సజావుగా పనిచేయడానికి అనుమతిస్తుంది. ప్రతి సైనికుడు యుద్ధభూమిలో తనతో పాటు అనేక స్మార్ట్ పరికరాలను తీసుకువెళతాడు. పైలట్‌లకు శిక్షణ ఇవ్వడానికి సిమ్యులేటర్లు, ట్రైనర్ ఎయిర్‌క్రాఫ్ట్‌లను ఉపయోగిస్తారు. దీని ద్వారా ఆగ్మెంటెడ్ రియాలిటీ, వర్చువల్ రియాలిటీలో 5G ఉపయోగపడుతుంది. సాయుధ దళాల్లో 5 G ని ఏకీకృతం చేయాలనుకునే దేశాల వరుసలో భారత్ ముందంజలోనే వుందని రక్షణ శాఖ కార్యదర్శి అజయ్ కుమార్ తెలిపారు. భవిష్యత్ లో మానవరహిత వాహనాలు, AI వినియోగాన్ని పరిగణనలోకి తీసుకుని సాయుధ దళాలు సైతం 5G నెట్‌వర్క్‌కు మారాల్సి వుంటుందని అన్నారు.

    5G టెక్నాలజీకి ఎన్నో అనుకూలతలు వున్నా.. కొన్ని ప్రతికూలతలు సైతం వున్నాయి. వాతావరణ, వర్షపు పరిస్థితుల్లో వ్యాప్తి సమస్య, పరిథి స్వల్పంగా వుండడం కొంత మేర ప్రతికూలం. ఎలక్ట్రానిక్ జామింగ్ సైతం ఓ ప్రతికూలతే. మిలటరీకి క్లిష్ట పరిస్థితిని కల్గించే ఛాలెంజింగ్ భూభాగాల్లో పెద్ద సంఖ్యలో టవర్లను నిర్మించాల్సివుంటుంది.

    5Gకి మద్దతు ఇచ్చే కొత్త స్మార్ట్‌ఫోన్‌ను పొంది ఈ నెట్‌వర్క్‌ని ఉపయోగించుకోవాల్సివుంది. ఉదాహరణకు, స్నాప్‌డ్రాగన్ 5G మొబైల్ ప్లాట్‌ఫారాల ఆధారితమైన స్మార్ట్‌ఫోన్‌లు 5G అనుకూలతను కలిగి ఉంటాయి. 5Gకి మద్దతిచ్చేలా రూపొందించబడిన అనేక కొత్త మొబైల్ ఫోన్‌లు అందుబాటులో ఉన్నాయి. ప్రపంచవ్యాప్తంగా ఉన్న బహుళ క్యారియర్‌లు 5G వైర్‌లెస్ నెట్‌వర్క్‌కు మద్దతు ఇస్తున్నాయి. 5G రోల్‌అవుట్ టైమ్‌లైన్ పురోగమిస్తున్న కొద్దీ, 5G సాంకేతికత, 5G అనుకూల పరికరాలు మరింత ప్రధాన స్రవంతి అవుతున్నాయి. దీంతో మరిన్ని స్మార్ట్‌ఫోన్‌లు, క్యారియర్ సబ్‌స్క్రిప్షన్‌లు అందుబాటులోకి రానున్నాయి.

    2019లో గ్లోబల్ ఆపరేటర్లు కొత్త 5G నెట్‌వర్క్‌లను ప్రారంభించడం మొదలెట్టారు. అన్ని ప్రధాన ఫోన్ తయారీదారులు 5G ఫోన్‌లను వాణిజ్యీకరిస్తున్నారు. త్వరలో ఎందరో వ్యక్తులు 5Gని యాక్సెస్ చేయనున్నారు. ప్రస్తుత గణాంకాల ప్రకారం 60కు మించి దేశాల్లో 5 G అమల్లోవుంది. అధిక వేగం, తక్కువ లేటెన్సీల పై వినియోగదారులు సంతోషం వ్యక్తం చేస్తున్నారు. ప్రతి ఒక్కరూ 5G యాక్సెస్‌ ఎప్పుడు పొందుతారో అంచనా వేయడం కష్టమైనా, 5G లాంచ్‌లు వేగవంతంగా సాగుతూండడంతో.. ఈ ప్రక్రియ విజయపథంలోకి దూసుకెళ్లడం ఖాయం అని తెలుస్తోంది.

    Trending Stories

    Related Stories