National

బీహార్‌లో ముస్లింలు అధికంగా ఉండే ప్రాంతాలలో 19 ప్రభుత్వ పాఠశాలలకు శుక్రవారం హాలిడే

బీహార్‌లోని కిషన్‌గంజ్ జిల్లాలో 19 ప్రభుత్వ పాఠశాలలు ఆదివారం కాకుండా శుక్రవారం సెలవు ఇస్తున్నారు. విద్యా శాఖ ప్రకారం, ఈ ప్రాంతంలో ముస్లింలు ఎక్కువగా ఉన్నందున, చాలా కాలంగా ప్రభుత్వ పాఠశాలలు శుక్రవారం హాలిడే ఇస్తున్నారు. ముస్లిం విద్యార్థులు గణనీయమైన సంఖ్యలో ఉన్నందున చాలా పాఠశాలల్లో శుక్రవారం సెలవు దినంగా నిర్ణయించారు. బదులుగా, విద్యార్థులు మరియు ఉపాధ్యాయులు ఆదివారం తరగతులకు హాజరవుతారు. ఈ పాఠశాలల్లో నగరంలోని లైన్ ఉర్దూ స్కూల్, కర్బలా, మహేష్‌బత్నా, మిడిల్ స్కూల్ హలమాల, ప్రైమరీ స్కూల్ మోతిహారా వెస్ట్.. ఇలా ఇతర పాఠశాలలు ఉన్నాయి. ఇవన్నీ ఉర్దూ పాఠశాలలు కావు.. సాధారణ పాఠశాలలే కావడం విశేషం.

లైన్ ఉర్దూ మిడిల్ స్కూల్ ప్రిన్సిపాల్ జర్నా బాలా సాహా ప్రకారం, ఇది హిందీ పాఠశాల. ఈ స్కూల్ లో 80% కంటే ఎక్కువ మంది పిల్లలు ముస్లింలు. పాఠశాల 1901లో స్థాపించబడింది. పాఠశాల స్థాపించినప్పటి నుండి శుక్రవారం సెలవు దినంగా నిర్ణయించబడింది. కిషన్‌గంజ్ జిల్లా విద్యాశాఖాధికారి సుభాష్ కుమార్ గుప్తా మాట్లాడుతూ.. జిల్లాలోని మైనారిటీ పాఠశాలల్లో ఏర్పాటు చేసిన ఆచారం కారణంగా శుక్రవారం వారాంతం అని, అటువంటి పాఠశాలలు మొదటి నుండి ఈ పద్ధతిలో పనిచేస్తున్నాయని తెలిపారు. ఈ విషయంలో ఎలాంటి ఆర్డర్ లేదు. ఈ పాఠశాలలు ఇతర విద్యాసంస్థల మాదిరిగానే సజావుగా సాగేందుకు ఉన్నతాధికారులతో చర్చిస్తామన్నారు. విద్యాశాఖ డీపీఓ షౌకత్ అలీ తెలిపిన వివరాల ప్రకారం జిల్లాలో మైనార్టీ పాఠశాలలు లేవు. శుక్రవారం సెలవు ఉన్న పాఠశాలలన్నీ సాధారణ పాఠశాలలే. స్థానిక ముస్లిం సమాజం డిమాండ్లకు ప్రతిస్పందనగా అనేక ప్రభుత్వ పాఠశాలలు మార్పులు చేసినట్లు నివేదించబడింది.

Related Articles

Back to top button